روايه الحب المستحيل

بو عبدالله بالمكتب اللي بالبيت .. جالس يفكر كيف يرد المبلغ لأبو وليد ..
في يده قلم وورقه ويكتب ميزانية السيارات الي باعهم الفترة الأخيرة ..
ويحسب الفلوس المتبقيه معه بحساب الشركة ..
دخلت عليه ام عبدالله وهي تزغرط .. / لللللللللللللللللللللووووووووووووووش
بو عبدالله / خير ان شالله وش عندك ؟؟
ام عبدالله وهي مبسوطه / خلااااص بنتنا انخطبت وان شاء الله الزواج قريب بعد ..
بو عبدالله معصب / ايييش ؟؟ لايكون اتفقتوا عالزواج قبــ
قاطعته / لاااا .. وش بلاك كذا معصب هذا بدل ماتبارك لي ..وتفرح ببنتك ..
بو عبدالله / خلااص .. خلي هالموضوع لبعدين اطلعي هاللحين خليني افكر عندي حسابات وشغــ ..
ام عبدالله / وش عندك انت هاليومين ... بس جالس بمكتبك وتفكر .. وش صاير ؟؟
بو عبدالله بعصبيه اكثر / وبعدييييييييييييييين قلت اطلعي وخليني بلحالي .. يلااااااااااا ..
ام عبدالله طلعت وهي مستغربه من تصرفات بو عبدالله .. وصعدت فوق وهي محترررة من تصرفاته ..
جالسة ندى مع ريناد بغرفتهاا .ويتكلمون ويضحكوا على اهل عماد .
ندى /ههههههههههه وربي كله كوم وعهود بكوم ثاني
ريناد / هههههههههه اهل زوجك تحفــــــــــــــــــــــــــه
ندىبثقل / زووجي ؟؟ لساا ماصار شي
ريناد / لاتحاولي تتثيقلي اصلا مو لايق لك الثقل ...
ام عبدالله تنادي ندى ... / ندى .. يــــــا ندى .. تعالي ..
ندى / هذي ست الوالده تبغااني ..
ريناد / ههههههههه وش فيك الظاهر انتقلت العدوة منهم ..
ندى انفجرت ضحك / هههههههههههههههههههههههههههه والله طلعت بدون قصد ..
ريناد / أي هيييييييين
الا ام عبدالله فتحت الباب بقووة وهي معصبه كثير وطلعة حرتها كلها في ندى .. / ندى وجع لي ساعه وانا ااناديك وانتي تضحكي مع هذي ..
سكتواا متفاجئين .. وهما يناظروهااا
ام عبدالله / ندى .. قدامي يلااا
ندى تناظر ريناد / ريناد ابروح وش تبغى وجاية اووكي ..
ريناد هزت راسهااا / اوكي ...
ام عبدالله وهي بجنب الباب .. لما قربت ندى لعندها مسكت يدها بقوة ودفعتها لبرى من خفتها طاحت على اقرب كنبه .. وسكرت الباب بقووة ..
ندى / ماما .. وش فيك ؟؟
ام عبدالله / لو انا امك مثل ماتقولي كان ماتماشين ولا تحكين مع هذي ..
ندى / منو هذي ..؟؟ ماما هذي اختي ,, عارفه كيف يعني اختي ..
واسمها ريناد .. نفسي بيوم تغلطي وتنادينها بأسمهااا ... والله حرام عليك ..
ام عبدالله / اسكتي وجع .. تعلمي امك الحلال والحرام .. انتي لو تعرفي الحلال والحرام كان ماقهرتي امك ...
ندى / اقهرك لأني اماشي واحكي مع اختي ؟؟؟ ليه ؟؟؟
ام عبدالله / اففففف انتي الحكي معك ضاايع ..
ندى / لا ضايع ولا شي وانا مقتنعه من كل كلمه اقول لها .. بس انك تمنعيني من اختي .. فاسمحي لي ..
ام عبدالله بعصية اكثر / ايا قليلة الأدب الظاهر ماعرفت لا انا ولا ابوك يربيك ..
ندى غرقت عيونهاا بالدموع / اهدي .. طيب .. وش فيك انا ماغلطت ... انـــ
نزل عبدالله بسرعه / وش فيكم ؟؟ صوتكم جاي لفووق ؟؟
ندى جلست وهي تبكي ..
ام عبدالله / تعال شوف اختك .. اجل اناديهااا ..وماتطلع لي ...
بس جالسة تضحك وتسولف ولا بهامها امها اللي منتظرتها عند الباب ..
ندى وهي تبكي / بس انا جالسة بغرفة ريناد ... كان دخلتي طيب ..
عبدالله / لااا حوول .. طيب خلاااص .. وهالحين ليه تبكين انتي ؟؟
ندى وهي تكفكف دموعها / تبغاني مااروح ولا احكي مع ريناد ..
عبد الله / وليه ؟؟ يمه ترى ريناد اختها ..
ام عبدالله / كلمة والثانيه اختهااااااااا ..
عبدالله / انتم الظاهر ماراح تخلصوا من هالسالفه .. الأحسن كل واحد يدخل لغرفته .. ويحط راسه وينام .. انتم جالسين بالصاله وتفكروا ان ريناد مو سامعتكم والله البنت بتطفش وماادري ايش بيصير ..
ام عبدالله / عسااهااا تطفش وتروح محل ماجات ..
عبدالله / وبعديين .. يمه وش قلت .. يلااا ادخلوا لغرفكم ..
بو عبدالله جااا لغرفته وشافهم بالصاله .. / وش عندكم وش هالصراخ انتم بعد ؟؟
عبدالله يناظرهم / لا ولا شي يبه ..خلاص حصل خير ..
بو عبدالله يناظر ندى / وش فيك تبكين ..
ندى بلعت ريقها / .............
بو عبدالله قرب من ندى وبجديه / ندى انتي ماتبغي اللي تقدموا لك ؟؟
ندى / .. .............. ((( وش دخل هذااا بابا ... بلاك ماتدري عن شي ..)))
ام عبدالله / من قال ؟؟ لا بنسأل عنهم وشكلهم ماشاء الله .. ناس مافي مثلهم بالطيبه والأخلاق ..
بو عبدالله / اجل وشفيكم ؟؟
عبدالله يلفق السالفه / يبه انت ماتعرف البنات .. ندى بس تدلع علينا شووي .. وبالنسبه لي انا اعرف ولدهم سعود ماشاء الله عليه خلوق.وغير كذا ملتزم .. وان شاء الله اخوه مثله .. .
بو عبدالله / ان شاء الله خير .. ولا تجبروا البنت على شي هي ماتبغاه .... انا رايح انام وماابغا أي ازعاج

:::::::::::::::::

ريناد بغرفتها واكيد سامعه كل حااجه .منهم ...
ودموعها بعيونهااا اكيد حالها مايسر .. ماتنلام سامعه كل شي .. من خالتهااا زوجة ابوها .. وابوها مو عارف شي .. وماهمه الا شركته ..
انسدحت على السرير وحظنت المخدة وناظرت بصورة امها اللي قبالهااا .. (( وينك تشوفي حااالي .. ماما وحشتيييني .. ابغا دفا صدرك اللي يحميني .... ابغا حنانك اللي يرويني .. ))
دخلت ندى بهدووء / ريناد .. نمتي ..
ريناد غمضت عيونها العسليه بسررعه .. وكأنها ماتبغا حد يعرف انها سمعت كل شي ..
طلعت ندى وظنتها جد ناامت ...
عبدالله / ها نايمه ولا ؟
ندى / أيوا
عبدالله يناظر بأمه / اووكي انا صاعد لفوق بس اوعديني ان ماراح تتكرر هالسالفه
ام عبدالله / انا طالعه لغرفتي ..
ندى / وش ذا اليوم النحس .. كل واحد معصب !!
عبدالله / هههههههه يمكن اللي جاو بيت السعود منحوسين ..
ندى / هاااااااااا
عبدالله / هههههههههه اقول ادخلي ونامي احسن لك ..

::::::::::::::::::::::

عماد يبشر راكان ..
راكان بحماس / لاااا جد واللهـ ؟؟
عماد بحماس اكثر / مثل ماقلت لك بالضبط ..
راكان / ومتى راح ترد عليك ست الحسن والدلال هههههههه ؟؟
عماد / هههههههههه والله على راحتهم اهم شي الأهل شافوا البنت ومدحوها لي وهم شكلهم راح يوافقوا
راكان/ وش عرفك انهــ ....
قاطعه عماد / تقول اختي مبسوطين ... ومتقبلينهم .. يعني ان شاء الله خير ..
راكان / يلاااا بالبركه مقدما حبيب البي ..
عماد / الله يبارك فيك وعقبااااااااااااااااالك يارب ..
::::::::::::::::::::الصباح الساعة 10 .
صحت ندى من النوم وتروشت ولبست .. وطلعت لغرفة ريناد وهي متحمسه ...
فتحت باب غرفة ريناد ..بهدووء .. ودخلت ..لقتها نايمه وقربت من السرير ....
ندى بهدوووء / ريناااد ... ريناد اصحي ..
ريناد فتحت عيونها بتثاقل / هاااااا ندى ...
ندى شالت البطانيه منها / رنود يلااااا عاد بلا دلع اصحي .. ابغا اطلع معك ..
ريناد اتكت على السريرمتأففه / اووه وين تبغي تطلعي بهالوقت ..؟؟
.ندى / انتي قومي يلااا تروشي والبسي ..
ريناد / ماااالي خلق فيني النوووووووووم ...
ورجعت البطانيه عليهااا ..
ندى تشيلها ثانيه / ماتوقعت كسوله كذااا .. يلاااا
ريناد / طيب .. طيب ...
ندى توجهت للدولاب / يلاااا هذاني بساعدك وبجهز لك ثياابك .. بس انتي ادخلي تروشي ...
ريناد / وش عندك على هالحماااس ؟؟
ندى / امممممممم شوفي بروح معك الفيصليه نفطر .. وبكلمك بموضوع ..
ريناد / جد فاااااااااااضيه انا ماني برايحه ...
ندى بيأس / مانتي رايحه .. اوووكي <<< رمت اللي بيدها (الملابس الي اختارتهم من الدولاب ) عالأرض ومشت..
قبل لاتطلع مشت وراها ريناد .. تراضيهااا ..
ريناد / ندوووووووووش مو قصدي ازعلك والله ..
ندى ببرود / ماني بزعلانه ..بس اذا ماتبي تطلعي براحتك
ريناد ./ يااحياااتي والله مو حلوة كذا ..... ندووو اضحكي ..
ندى / مافي شي يضحك
ريناد بأبتسامه / طيب خلاص ابااطلع معك ..
ندى ابتسمت على طول / جد يلااااااااا انتظرك بالصاله .. لا تتأخري ..
ريناد (( ياحلاتك بسرعة تنسي الزعل .. )) / اوووووووووووكي ..

::::::::::::::::::::::::::::

على طاولة الطعام ..
ام هشام وهشام وراكان وشوق .. يفطروااا
ام هشام / هااا هشام خلصت من شقتك ولا باقي ؟؟
هشام بحماس / أي خلصت مااباقي الا العروس ...
شوق / وناااااااااااسه باقي شهر بس وتجي لموو بس خسارة هالأثاث كلها شهرين وانت رايح امريكا معهااا ..
هشام / أي بس راح نجي بكل عطله وكم سنة حنا بنستقر هناا
شوق / وهي جهزت ولااا ؟؟
هشام بأبتسامه عريضه / وهي بعد ماباقي الا شي بسيط وتجهز كل شي
ام هشام / الا اخوها عصام ولد عمك متى راح يجي ؟
هشام / يعني ع زواجنا بيكون موجود ان شاء الله ..
ام هشام / عساني ابلغ فيكم كلكم يااارب ..
راكان / احم احم .. ادري تلمحي لي .. بس نوووو يمه انا بتزوج بعد ماتتزوج شوق خخخخخ
شوق / أي حطها فيني ..
هشام / الا وين رنيم ؟؟ راحت المدرسه ؟؟
شوق / لا مدرسة هي جالسه تحضر للأختبارات ..
هشام / أي هذاني اقول حتى لميس ماراحت هالأسبوع ..
شوق / انا فتكيت من همي باقي هم الله يعينهم ..
راكان يناظرهااا / عاد حنا نبغا معدل مو تفشلينااا
شوق بثقة / افاااااااااااا عليك ...

::::::::::::::::::::

دانه صارت طلعاتها بالنهار علشان مايشوفها حسام وهي جاية متأخره ..
جالسه مع خويها الجديد في الفيصليه ... بالمطاعم ..جالسين برى وفاتحة الغطا عن وجهها ..
دانه بلهجة دلع ومياعة / شوف انا ماطلعت معك هنا لوحدنا بعيد عن الشقة وعن الشله الا لأني احبك واغار عليك ..
راشد وهو يناظر فيهااا بلهفه / انا وش اللي ذابحني غير حبك يااقلبي انتي .. ..
(( كل واحد فيهم يكذب على الثاني .. علشان مصالحهم وبس ... ))


دخلت ريناد وندى .. وهم يدورون مكان يجلسوا فيه ..
ريناد شهقت لمن شافت دانه مع واحد وناظرتها بقوووة ...
ندى / هيــــــه انتي وش فيك ؟؟
ريناد / ناظري قدامك .. هذي بنت خالتي دانه ..
ندى / جد والله .. طيب وش فيها كذا كاشفه الغطااا
ريناد / انا ماهمني الغطا كثر ماهو هامني من اللي جالسه معه ..
ندى / هااا يعني هذا مو زوجهااا ؟ ولا .حتى اخــ..
ريناد / لااااااا ماهي متزوجه .. وهذا شكله من الشباب اللي تعرفهم ..
ندى / اشششششش وعما وش جالسة تحكي على بنت خالتك .. ان بعض الظن اثم ...
ريناد بجديه / صدقيني .. انتي تراك ماتعرفي دانه كويس .. ..
ندى مسكتها من يدها / طيب تعاالي ماعلينا منها الله يستر عالجميع ...
ريناد / الحقيييييييييره عيني عينك جالسه معه وكاشفة بعد .. اقول تعالي نجلس بعيد عنهم مااحب اشوفها كذااا
ندى /ههههههههه احللللللللللللللللللى من وين جات لك الغيرة عــ
قاطعتها ريناد / مااالت عليك مو وقتك ووقت هالتمسخر ...
ندى / والله مت جووع تعاالي بس خلينا نطلب لنا حاجة ناكلها ...

::::::::::::::::::::::::::

لما فطروا .. راحوا يتمشوا بالأسواق ..
ندى / رنووداااا
ريناد / هلا
ندى/ اباقولك شي بس خجلانه ..
ريناد / ياحلااتك ههههههه قوولي اسمعك ..
ندى بخجل / شكلي ابااوافق على ولد السعود ..
ريناد / جد ... ؟ طيب ماافكرتي .. خذي وقتك ..
ندى / انا مااحب افكر كثير خلاص دام اهله عاجبين الكل ليه لااا ..
ريناد / طيب وهوو ترى هو اهم شي ..
ندى / عااارفه .. عبد الله اليوم كلمني ويقول عنه انه ولد محترم واهم شي انه جااد .ومو لعاب ....
ريناد بهدووء / وانـــــا .؟؟؟. اقصد بتروحي عني وتتركيني لوحدي ..
ندى / هههههه لاتخافي انا ماراح اتزوج الا ليمن اطمن عليك .. يااا تتصلح علاقتكم انتي وماما .. ياااا امممممممم ازوجك قبلي ..
ريناد / اماا عاد اتزوج قبلك هذي قوووووووويه ..

:::::::::::::::::::
(( رنيم ))



خسرتــك أدري !!
لكني خســرت الدنيـا مع فرقـاك ..
خسرت الضحكة العذبة ..
[ وأدفــا قلـب يحضـنّـي ] !
خسـرت الـروح
ولا أدري إذا جا لك أحد عـزاك ؟
نفيت وجودي بالدنيا ..
بعد ما حظي دمَّرني ..!!

رنيمـ بعد كم يوم كانت مو رنيم الأولانيه .. كل اللي ببالها فيصل وبس ..
وكانت وفاته مأثره عليها وعلى دراستها .. وفي الفترة الأخيرة اهملت كل حاجه .. اهملت حتى نفسها وشكلهااا ..
حست ان الدنيا بدونه ولا شي ..
اخذ قلبها واخذ مشاعرها وحتى روحها .. وراح ...
دخلت شوق بغرفة رنيم ..
كانت رنيم مسلقيه على الأريكه وماسكة كتاب الحديث بيدها . .
شوق جلست جنبهااا / ها رنيم تبغي شي .. افهمك شي .. ؟
رنيم هزت راسهااا بالنفي ..
شوق / اووكي حبيبتي اذا محتاجة شي انا بالصالهـ ...
رنيم / اووكي ...

::::::
جلست شوق بالصاله وفتحت التلفزيون .. وهي تقلب بالمحطات ..
دخل راكان .. وكان متوجه لغرفته لما انتبه بشوق جالسه جاا وجلس معهاا ..
راكان / ها شوشو كيف رنيم هاللحين ؟؟
شوق / والله هذا هي من قربت الأختبارات وهي كذاا على هالحاله ..
راكان / كل هذا تسوي فيكم الأختبارات .. جايكم وحش على غفله ..
شوق / هذي رنيم حساسه من صغرها ماتعرف يعني
راكان / الا قولي دلع ..
شوق / هههههههههههههه
راكان بجديه / طفشااااااااان مافي جامعه ولا شي ... مو عارف وين اروح ..
شوق / وين عماد عنك ..
راكان / عميد خلاص من خطب وهو ناسينا بس جالس يجهز للملكة ..
شوق / طيب دور لك وظيفة تقزر فيها وقتك ..
راكان / الظاهر هذا اللي بيصير ..
:::::::::::::::

آخر يوم اختبار ...

لميس رمت الأوراق والكتاب في ساحة المدرسه / واااااااااااااااااو اخيرا خلصناااااااااااااااااااااااااا
ولمت ندى وريناد وريهاااام ..
ريهام /الأسئله مررة صعبه صح ؟؟
لميس / لاااااااا بالعكس سهله بس تعرفوني انا اراجع اجوبتي كثيير .
ريناد / سهله والله
ندى / الله يستر من النسبه بس
لميس / وناااااااااااااسه لازم نحتفل بعد مايطلعوا النتايج ...
الكل / اكيييييييييييييييييييييد
لميس / وانا علي الفندق ..
ندى تستهبل / وانا علي المعرس خخخخخخخخخ
الكل / ههههههههههههههههههههههه
ريهام تهز كتوفها / وانا علي الدي جي
ندى / و ريناد عليها الرقص ..
ريناد / واللـــــــه ..!
ريهام تناظرها / ايه تراها عليها رقص رهيييييييب .. جسمها حلوو ويسااااعد والله
ريناد قرفانه من نظراتها / وعمااا اسكتي .. << ووقفت ومشت
ريهام بأستهبال صفرت بفمهاا وبصوت عالي / يااعيني على الحيااااااااا والله وربي امووت فيك
ندى / رهوووم لا تحرجي البنت ...
ريهام / وانا وش قلت عاااااااااااادي انتم بس تكبروا الموضووع
لميس / ماتعرفي رنود انتي .. خجوله وحساسه من هالكلام ..
ريهام / لااا اصلا هي تعودت علي وعلى حكيي لهاا ..
لميس تتمسخر / أي واااااااااضح ..
ريهام / ابروح لهاااا لحظة .. <<< ومشت
لميس / جد مجنوونه هالريهام ..
ندى / والله عليها حركات صبيانيه تغث احيانا ....
لميس / هههههههه هي بس تستهبل الغبيه ... ولا مابغت تستهبل الا على البيبي .. ..

:::::::::

ريناد واقفة عند السور وهي تناظر رنيم ..
وتفكر وش اللي غيرها كذااا ... ليه ذبلانه وحزينه لها كم يوم وهي عالحاله هذي ..
الا تجيها ريهام وتلف يدها حوالين خصرها ..
ريناد شهقت والتفتت بسرعة ./ وجع من وين طلعتي انتي ..
ريهام / افاااااااااا انا تقولي لي وجع ؟؟
ريناد بعصيه / اجل وش هالحركااات هذي انا مااحبهااا....<< وبهدوء ورجا / بلييييز ريهام بلاااش منهاا
ريهام بآتسامه / ولا يهمك .. انتي تامرين امر ..تعرفيني انا بس امزح معك ..
ريناد بجديه التفتت على رنيم / ريهام مالاحظتي ان رنيم تغيرت كثير عن قبل ..
ريهام تأيدها / اكيد الكل ملاااحظ .. بس هي ماتعطي وجه حد ولا كان عرفنا وش فيهااا ..وحتى لموو اللي اهي بنت عمها ماتعطيها وجه
ريناد بفضول / انا رايحه اشوفهااا .
ريهام / انا رايحه عند ندى ولمووو .وهذا وجهي ان عطتك وجه .

:::::::::::::
ريناد بخطوات واثقه قربت من رنيم وجلست بجنبهااا
ريناد / رنييييييييم
رنيم التفتت عليها ببرود / نعم ...
ريناد تتسائل / فيك شي مو على بعضك احـ..
قاطعتها رنيم بعصبيه / انتي مالك دخل ..وش تبين مني ؟؟
ريناد / طيب اهدي .. انا بس حبيت اجلس معك شووي <<<.ناظرتها برجا / ممكن رنيييم ؟؟
ناظرتها رنيم وغرقت عيونهااا تذكرت فيصل اذا ترجاهاا وقربت منها ولمتهااا
ريناد / وش فيك حبيبتي ..<< مسحت دموعهااا وكفكفتهم .
رنيم كبريائها ماخلاها ترد عليها (ريناد انا عمري ماحسيتك قريبه مني ابد بس هاليوم وهاللحظة حسيت اني محتاجة لك .)
لكن قررت تكسر الحاجر اللي بينهم وتشيل كبريائها على جنب وحست ان ريناد ممكن تشيل همها وردت عليها / محتاجة لك . ..
ريناد بأبتسامه / اووكي وانا بكون جنبك على طوول .. اممم بس اذا حابة طبعااا ..
ابتسمت رنيم وبانت ملامحها الكبريائيه / اكيد حااابه ...
ريناد بأبتسامه بريئه / طيب وش رايك تجي واعرفك على ماي فريندز
رنيم / لااا خليــ
ريناد / لاااا يلااا تعااالي معي ,,<<< ومسكت يدها واسحبتها معهااا ومشت ..
راحت لعند صاحباتهااا..
وبأبتسامه .. / اعرفكم على رنيم هذي صاحبتناااا الجديدة ..
الكل مستغرب ناظروا بعض وردوا / تشرفنااا واللهـ
رنيم / لي الشرف .. اممممممم ممكن اجلس معكم .
الكل / اكييييييييييييييييييييييد
لميس اكثر وحدة مستغربه لوجودها بينهم .وهي شايله شموخها وغرورها وتضحك معهم بأرتياااح ..
..

رنيم انبسطت معهم كثيييير ونست همهااا ورمته ورى ظهرهااا ..

وصاروا خمسة بنات هاللحين ومن هاليوم تعاهدوا ان قلوبهم ببعض ومهما يصير ماراح يتخلوا عن بعض ..,,


::::::::::::::::::::::::::::::::::::::::

بعد اسبوعين وقت استلام الملفات .. وشهادة الثانويه العامة ..
الكل نجح ..لكن بنسب متفاوته ..
ريناد (%97 ) علمي
ريهام ( 77% ) علمي
رنيم (84 % ) علمي
ندى ( 89%)ادبي
لميس (91%) ادبي
كل منهم فرح للثاني باركوا لبعض واتفقوا يعملوا حفلة بمناسبة نجاحهم ..

:::::::::::::::

سويت خلود وعبدالله ..

بعد ماجا عبدالله من الدوام نادى على خلود مالقاها لا بالصاله ولا بالمطبخ دخل الغرفه ,,,


عبدالله / خلوووووووود ليه لحد هاللحين ناايمه اصحي ..
خلود بتثااقل / ايواااا
عبدالله / وان شاء الله مافيه غدا اليووم مااشم ريحة طبخ !!
خلود شهقت وناظرت الساعة / اوووووووه الساعة 12 والله ماانتبهت ياقلبي سوووري ..
عبدالله / سووري وياقلبي وين اصرفهااا .. يلااا عاد قومي اطبخي أي شي خلينا نااكل ..
خلود / الزفتة نوهاتا ماصحتني .. قلت لها برتاح نص ساعة وصحيني ..
عبدالله شلح شماغه / حصل خير .. يلااا عالمطبخ ..
خلود قامت من السرير بنشاط وقربت منه / تجي معي .. تساعدني ؟
عبدالله حرك شعرهااا بيده / وش رايك ؟؟ على الله نخلص بس .. مااباقي الا ساعتين واروح الدوام ثانيه ..
خلود / بس انتظر اغسل وجههي وابدل وجاايه ..
عبدالله / بعد فيها حماااااااام عز الله ولا بكرااااااا انزل اتغدا تحت اصرف لي ..
خلود بعد مامشت لعند الحمام / لااااااااا والله ثواااااااااني بس

عبدالله سبقها للمطبخ ..

عبدالله / نوهاتا ليه مافي يصحي مداام بدري ؟؟
نوهاتا قربت منه / انا في يصحي ويضرب باب مافي يرد << ( انا صحيتها وضربت الباب بس هي ماردت علي .. )

عبدالله / افففففففف ..ابعدي انتي ووجهك يلاااا طلعي بس لنا فيليه دجاج وبطاطا نقليهم ..
(وش ذا الغثه اللي ادخل مع هالشغاله اللزقه .. الله يهديك ياخلود بس ..)
نوهاتا تناظره / بابا ... انت زين واااجد هزا ريان طالع على انت.. حلو وااجد
عبدالله فتح عيونه للآخر / ايا بنت اللذين ماباقي الا انتي بعد ابعدي عن وجهي يلاااااااا
خلود دخلت المطبخ / سوووري تأخرت حبيبي ..
نوهاتا بعدت عن عبدالله بسررعه ..
عبدالله يستهزآ / لااا خذي رااحتك
خلود / ههههههههههههههههههه والله ماتأخرت
عبدالله / انا بنتظرك بالصاله ..
خلود بدلع / يعني ماتبغا تساعدني ؟؟
عبدالله / خلي هالهبله تساعدك ..
خلود / وش فيك عليهااا
عبدالله ببرود/ لا ولا شي ... يلااا صلحي لنا بس شي ناكله بسرعه ..انا بروح عند العيال ....

:::::::::::::::::::::::::::::::::


لميس تروشت ولبست لبس بيت خفيف ..
واخذت جوالها ودقت على هشام ..
لميس ( اشتقت له .. يارب ماهو ناااااااايم .. )
هشام منسدح عالسرير .. لما ناظر الجوال فز من مكانه واتكأ عالسرير وكلمهااا بلهفة / هلا برووووحي وقلبي ..
لميس بهدووء / ياهلا فيك .. كيفك ؟
هشام / امممممم قبل شوي مثل الزفت
لميس / افاااااااااا ليه ؟؟
هشام بخبث/ لااا بس لمن سمعت صوتك ردت الروح فيني ..
لميس / امممممم وانا بعد تو ماردت الروح فيني ..
هشام يستهبل / .. ليه ؟؟
لميس بدلع ضحكت / هههههههههههههه
هشام / فديت هالضحكة وراعيتها والله ..
لميس / تسلم لي والله ..
هشام / هاا استلمتي ملفك ياحلوة ؟؟..
لميس بحماس / ايوااا وكل شي تماااااااااااااام ...
هشام / بصراحة انبسطت نسبتك حلووووة
لميس / أي كل هذا علشانك درست كويس والله ..
هشام / الله يوفقك ان شاء الله ..
لميس / هشام الليلة بنروح فندق الـ ... علشان حفلة نجاحنا
هشام / انتي ومنوو ؟؟
لميس / انا وصاحباتي .
هشام / أي بس مو تتأخري .. ارجعي بدري علشان اسمع صوتك قيل لاانام .. ..
لميس / تامر امر يااقلبي .
هشام / لمووو
لميس / هلاااا
هشام بنبرة رجا / ابااشووفك .
لميس / ههههههههه تبغاني اطيح بعد هالمرة ؟؟
هشااام / ههههههه <<< وبجديه / شوفي لموو اذا البيت مافي حد دقي علي واجي بس اشووفك والله .وابغا اعطيك شي .
لميس / من جدك انت تبغا بابا يعــ
قاطعها هشام / تكفيييييييين لاترديني ..
لميس / اذا الأوضاع عندي اووكي راح اقول لك ..
هشام / يااقلبي انتي ..وربي امووت عليك وعلى التراب اللي تمشي عليهاا ...

::::::::::::::::::::::::::::

الساعة 9 مساء ..
وفي الفندق بالقااااعه ..
كل شي جااهز ومرتب الميوزك والعشا ..
لميس وصلها ابوها للفندق .. وبسيارة قبل لاتنزل ..
بو عصام / لموووس ساعة وانا راجع لك ..
لميس شهقت / لااا بابا شنو ساعة اقل شي ساعتين ..
بوعصام / اففففففف خلاص لخلصتي دقي علي بس قبل 12 فااهمة
لميس نزلت / اوووووووووكي (( وش قالوا لك سندريلااا ))
لميس دخلت القاعة وكل شي مثل ماتبغى كل شي مرتب ونظيف ....
لميس / وشفيهم هذووول تأخرواا
دقت على ندى ..
ندى / هلااااااااااااااااا
لميس / وينك يالفاشله ؟؟ تأخرتوااا لا تخلوني بلحالي .اسرعوا تعااالوا يلااا ..
ندى / اووووكي 10دقايق وحنا عندك .. تشااااااااااو

:::::::::::::::::::

الكل كاشخ ومتزيين آخر زينه .. كأنهم رايحيين لزوااج .. مع انهم بس خمستهم مع بعض ..
ندى اكثر وحدة فيهم متحمسه .. بكرا ملكتهااا وحابة تفرح وتستهبل مع صاحباتها قبل لاتملك ..
لابسه فستان طويل ذهبي ... وفيه فتحه من تحت ليمن فووووق الركبه ..وشعرها مجعدته بالجل وميك اب نااعم كأنها من ممثلات هوليوود بنعومتها ورقتهااا ..
اما ريناد فكانت مررة هاااديه وكيوت لابسه فستان فوشي طويل وعاري من الظهر وشعرها الكستنائي راافعته بدابيس جذاابه .. بطريقة عشوائيه ومنزله خصل على جنب وجهها الطفوولي ..
دخلوا القااعه وشالوا الشيله والعبااايه ..
ندى بحماس / لموووووووووووووووووووو
لميس / واااااااااااااااااااااااو شالزين .. وعما غطيتي علي ..
ندى / بالعكس والله انتي طالعة شييي مع هالعدسات الخضر وهالتنورة الزيتيه طااالعة كيووت جنااااااان ..
لميس / هههههههه لاتسمعك بنت عمي رنووما ...
اسمعي انا مااعرفت آخذ راحتي بابا اللي جايبني حتى ملابسي لبستهم هناا ..على الأقل اخذت راحتي هنا لبست قصيييير وبلوزة عااريه بعد هههههههههه
ريناد وندى /هههههههههههههه
لميس / تأخرت ريهام ورنيم !
ريناد طلعت جوالها / اباشوف رنيم
دقت عليهاا وعطتها مشغووول
ريناد / شكلها جاايه ..
دخلت ريهااام وهي متحمسه .. / هاااااااااااااااااااااااااي
الكل / هاااااااااااياااااااااااااات
ريهام لابسه بنطلون جينز فيه شك وحركات وبلوزة فخمة بألوان البحر .. ..وميك اب صاااارخ طالعة جنااان وانوثه ..
الكل / وااااااااااااااااااو
ندى / يالدبه وين مخبيه كل هذاااا
ريهام نعمت صوتهاا / جد حلووو ؟؟
الكل / رهيييييييييييييييبه
ناظرت ريناد وعدلت صوتها / شخبارك رنووداا ؟
لميس / ردييييييييييينااا
ريهام / شنوو ؟؟ مااعرف امثل اناااا
الكل / هههههههههههههههههههه
ريناد (( الله يعييني عليك .. انتي ماادري وش فيك هالسنة رايحه فيهااا ))
وصلت رنيم وهي بكامل اناقتهااا ميك اب .ولبس وحركااات ..وشعرها صابغته اشقر ( هاي لايت ) طالع عليها روووعهـ .
الكل / واااااااااااااو
ريناد / الصبغة طالعة عليك جناااااااان
لميس / كأنك شجعتيني اصبغ لزواجي ..
رنيم / جد حلووو ..
ندى تستفز لميس / لمووو مو كل شي يناسبك ترى .. رنيم ملامحها انعم منك ..
لميس / انقلعي عن وجهي مو فاضيه لك .. .. وبصبغ عنااد لك
ندى / هههههههههههههه بسرعة تتنرفزي الله يعين اخوك يارنيم ...شكله كل يوم بيصحا بكف وينام بكف ثاني ,,
الكل / ههههههههههههههه..

بعد ماتجمعوا تعشواا وكل وحدة استهبلت .وتمسخرت على الثانيه ..
وضحكواا ليمن تعبوااا .. ورقصوا سواا ..
وكان هاليوم بالنسبة لهم اسعد يوم مرووا فيه ..
بعد ماتعبوا جلسوا بالأرض على شكل حلقة ..
ندى / آآآآآآه تعبت بسكم نكت وضحك ..
ريهام الزقت بريناد من الضحك / هههههههههههه
ريناد بقرف / هــــــــــيه عمااا ابعدي عني !!
ريهام عدلت جلستها / مااني قاادرة بمووت من الضحك ..
دق جوال لميس بنغمة ( الأماكن كلها مشتاقة لك .... )
لميس / هشاام ..
الكل / احــــــللللللللللى ,,,
لميس تسكتهم / ااشششش اسكتوا خلوني اعرف احكي معه ..
بعدت عنهم ولحقوووهااا ..
لميس / الووو
هشام / هلاااا عمري .. ها متى راح ترجعوا البيت ان شاء الله ؟؟
لميس / هااا .. لاا والله لسااا <<< تأشر عليهم وفمها /اششش
هشام / وش فيك ؟؟
لميس / لااا بس جنبي مهااابيل
هشام / هاااا ؟؟؟؟؟؟؟؟؟؟؟؟
لميس / قصدي صاحباااتي واممممممممم اختك
رنيم شهقت وبصوت عالي / هشاااااااااام وراك ماتجي بس وتوصلنا البيت .. وبالمرة تشوف لموووووو
ريهام وندى وريناد / ههههههههههه
لميس / لااا تصدقها كان بابا يذبحني ..
هشام وهو يتثاااوب /اقوول انا اخليك معهم . تبنسطي .ولرجعتي حاكيني ..
لميس / اووكي يااقلبي باااي ...
بعد ماقفلت منه .. / انتم ماتعرفوا تضفوا وجهكم عني .. ماعرفت احكي معه والله ..
ندى / هههههه تستاهلين .. اجل يعرف انتي معنا وش يبغا يدق
لزززقه من جد ..
لميس / ابااشوف هالعماد وش بيسوي لمن يااخذك ..
ندى عقدت حواجبها وبدلع / مااالت عليك ..
رنيم / كان قلتي له والله يجي وياخذنااا احسن من السواااق الغبي ..
لميس ناظرت ساعتهااالماسيه .. وشهقت
الكل / وش فيك ؟؟
لميس وقفت / بنات لازم السندريلا تمشي .. بابا قال لي لا تتأخر عن 12 .. << اخذت الجوال تكلمه يجيها ..
الكل / ههههههههههههههههههههههههههههههاي
ريناد / كلها كم يوم ويحكمك مسيو هشام وترتاحي ....
لميس / هههههههههههه ان شاء اللهـ اكيد قريب
ريهام / عارفين... اني انا احسن منكم ... انا لو اظل معكم يوم كامل اهلي مايسألوا عني .. وناااااسه
ندى / ونااسه بعينك ..
لميس / ههههههههههه قآل وناسة قآل ..
رنيم ((ياليت اختي شوق هنااا وتشوف بسطتكم . وسواليفكم اللي ماتنمل .. من جد انبسطت معكم ربي لايحرمني منكم ..وينكم عني من زمااان .. ))



::::::::::::::::::::::::::::::

رجعوا على بيوتهم وهما مبسووطين ,,

(ريناد )

دخلت لغرفتهااا وبدلت ملابسها وانسدحت عالسرير وهي مررة تعبانه .. توها بتغفي عينهااا الا يدق جوالهااا ..بنغمة كلاسيك ..
ريناد اخذت جوالهااا وناظرت رقم المتصل ....
ريناد / كأن مار علي هالرقم من قبل !! << وردت بهدوء
ريناد / الوو
.... ..... ببرود / ياهلااا والله توقعت انك راح تردي علي ..
ريناد / << ( حسااااااااام !!! ) ارتعش كل جسمهااا ويدها اللي ماسكه فيه الجوال ترتعش وهي مو حابة تسمع هالصوت مرة ثانيه ابد .. كل ماثبتت ترد ترتعش اكثر ,, ردت بعصبيه / انت وش تبغا مني بالظبط !!!
حسام بلهفة / ابغاااااااااااااك .. تدريـ
ريناد قفلت جوالهااا بعصبيه ودخلته بالدرج ..
تذكرت اليوم اللي جاتها بنت خالتها دانه علشان تطلعها معهااا الشاليه مع شلتها الفاسدة .. ولما رفضت عصبت دانه وتوعدت فيها وبنص الليل لما تأكدت ان ريناد نايمه نزلت دانه لعند حسام اخوها وجهزت له عشا وحطت له كاس بيبسي مع خمر علشان يسكر ..لما شرب الكاس كله سكر وخل تواازنه وبدا يهلووس ويهذي .. هي قنعته ان اللي شربه من مشروبات الطاقه ..
جلست دانه معه وبخبث توصف له البنت البريئه ريناد اللي كلها رقه وانوثه وجمال كان حسام يحترمها ويكن لها كل حب بقلبه لأن ناوي يتزوجها لكن هاللحين بعد عمايل دانه وسوس له الشيطان وحطهااا بباله .. ودخلها مزاجه وبدا يهذي بأسمها صعدته فوق لغرفتهااا وهي تضحك بأعلى صوتها بخبث وسكرت الباب عليهم وقفلته ..
دخل حسام ولقاها منسدحة عالسرير والغطا عليهااا وكان الجو بااارد وممطر بهاليوم ..
وهو يتمطط يمين وشمال .. اقترب منهاااا
ريناد حست ان فيه حد قريب منهااا ومن انفاسها ريحة غريبه تشمهااا فتحت عيونها لقت حسام قدام وجهها .. بعدته عنها وعدلت جلستهااا وهي تترتعش وتتنفس بقووة ... ومو فاهمة أي شي .. ومو عارفه كيف دخل حسام لغرفتها وبهالشكل هذااا ..
قرب منها ثانيه لكن بوحشيه ناظرها بعيون ملتهفه ..
وزاد خوفها من نظراته بعدته ورمته عالأرض بقوووة وهي تصاارخ وتستنجد حد يجيهااا
لكم بمنو تستنجد .. بأمها اللي توفت .. ولا بأبوها اللي تاركها هنااا معهم .. .. ولا بخالتها اللي بسابع نومها و ماتدري عن شي ولا بدانه الحقيرة اللي عارفه انها ورى هالموضوع كله ..
استنجدت بأمهاااا ... وهي تناااديهااا تبكي وتقطع القلب .بانت شهقات ريناد بكلامها المتقطع من الخوف / اطــ ــــلع . ابعــ ـــد عني .. انــ ـــت وش تبـــ ـــغا مني .يالحقير . ؟؟؟؟
حسام وقف وهو يحاول يعدل من وقفته اللي ماهي متزنه ..
ريناد نزلت من السرير بسررعه وحاولت تطلع برى الغرفه لكن لقت الباب مقفل .. شهقت بقووة .. ( ياربي وش اسوي هاللحين !! الله ينتقم منك يادانه جايبه اخوك سكران لي يالزفته ) وهي تضرب الباااب بقووة وتستنجد ..
سمعت دانه وهي تضحك بخبث ومكر ..
ريناد وهي جنب الباب وبنبرة رجااا .. / دانه بلييييز افتحي ..ابوس ايدك ورجولك بس افتحي ... .
دانه من برى الغرفه / ههههههههههه مستحيييييييييييييييييييل اللي يعاندني هذا جزاه واكثر بعد .. تراك ماعرفتي دانه كويس ..
ريناد تبكي من قهر والم ومرارة وماهي مستوعبه اللي يصير ...

حسام بخبث وبصوت ماهو مفهوم / مالك الا تستسلمي .. وربي راح تتعبي ماراح حد يسمع لك .. << وهو يأشر بيده / تعاااالي قربي مني .. انا احبك .. انــ ..
ريناد بعصبيه قاطعته وقرفانه منه / ماعاد الا هي اجييك ..
حسام قرب منهااا وهي تحاول تبعد عنه لكن كانت خطواتها ثقيله
قرب منهاا وهي واقفه قرب الباب ..لزق فيهااا وبصغت بوجهه مسح اللي على وجهه حس ان هالشي اهاانه كبيره بحقه بنت وتبصق بوجهه .. عطاها كف بأعلى قوته على خدها النااعم .. / بتجين غصب عليك .. ماتفهمي انتي ..لي ومستحيل تكوني لغيري ...
ريناد ماتحملت الكف اللي جاهااا منه صرخت بقووة وهي تتألم وطاحت عالأرض مغمى عليهااا
ودانه من ورى الباب مبسوطه وهي تتلذذ بآهات ريناد وبكائها واستنجادهااا ..
خاف حسام لما لقاها مرميه عالأرض ....جلس عالأرض وقرب منهااا وحركها لقاها ماتتحرك .. وجسمها حاااااااار ومعررق ..
زاد خوفه عليهااا وكأن رد الدم بعروقه من جديد .. / رينااد .. رينااد ..
راح لعند الباب وحاول يفتحه بقووة بس مااقدر لقاه مقفل ..
دانه وهي مبسوطه / هااا افتح ؟
حسام / دانووه افتحي بسرررعه
فتحت له الباب وبحماس .. / وش صاااار ؟
حسام وهو مرتبك ومتندم / ضربتهااا .. عطيتها كف بيدي هذي ..انااا .. اضرب رينااد !!
دانه التفتت على ريناد لقتها ببيجامتها الشتويه وعرفت ان مالمسها ولا قرب منها مثل ماهي تبي وردت عليه بعصبيه / يالغبي هذي فرصتك .. ابغاك تنتقم عني منهااا انا اكرههااا
حسام فار الدم بجسمه ومد يده وعطاها كف بكل قوته ومسك شعرها بقوووة ودانه تصاارخ وتهدد وتتوعد ..
حس ان الدنيا تدور فيه ..
طلع من الغرفه وهو مو عارف كيف وصل لعند ريناد ... طلع بعد
ماعرف دانه الحقيرة النذله كيف تحقق مبتغاها من ريناد بواسطته ماعرف يقول لها شي .. لأنها كانت مخططه لكل شي وحاسبتها كويس .. ريناد ماتقدر تقول لحد ماعندها سند ومهما حكت راح تكذبهااا مثل كل مرة تصير مشكله بسيطه مابينهم .. فسكتت ..وحطت الهم والألم في قلبهاااا .. ..

كل هالأحداث مرت على ريناد بسرعه وكأنها صارت لها من جديد .. وهي ترجف وجسمها زادت حرارته ... وهي تصارخ بأعلى صوته وتستنجد ./ ابعد عني ... ابعد ياانذل .. ابعد يااحقير ..
ماااامااا وينك عني ...
ندى وخلود وعبدالله جالسين برى بالصاله .ويناظرون التلفزيون .. .
ندى وطت صوت التلفزيون / كأن صوت ريناد مفزوعه ؟؟
خلود / جد ؟؟؟
ندى فزت من مكاانهااا ولحقتها خلود وعبدالله معهم وافتحت غرفتهاااا وقربت من السرير ..
ريناد وهي تبكي وتهذي / ابعد ... اكرهك .... وينك مامااااااااا
ندى بهدووء / ريناااااااااد
خلود / شكلها تحلم بكابوس شوفيها كيف معررقه <<.. وهزتهااا برفق / حبيبتي . رينااد..
عبدالله / رايح اجيب لها مويه ..
ندى ماسكه يد ريناد وضامتهااا / ريناااااد ..
ريناد فتحت عيونهااا بتثاقل وناظت ندى / ندى !!
ندى / بسم الله عليك .. وش فيك ؟
خلود بعد ماتحسست حرارتها / حرارتك مرتفعه كثير ..
ريناد انتبهت ان خلود موجوده .. وردت وهي مرتبكه / لااا مافيني شي .. بس ..
دخل عبدالله وبيده كاس مويه ../ خذي رينااد .. ان شاء الله تكوني احسن ..
ريناد ناظرت عبدالله وهي خجلانه (( يالله حتى عبدالله شافني بهالحااله !! .. فشله من جد !! ))
شربت المويه وهدت نفسيتهااا شويه .. عبدالله وخلود طلعواا .. بعد ماتطمنوا عليهااا ..
ندى بجديه / ريناد وش فيك ؟؟ ترى هذا مو اول مرة تفزعي علينا كذااا ؟؟
ريناد ارتبكت / ولااا شي .. كاابووس ..
ندى بجديه اكثر / من هذا اللي قرب منك ؟؟
ريناد استغربت / هاااا منووو ؟؟ انتي ليه تقولي كذاا ؟؟؟
ندى / اسمعك تقولي ابعد عني ... << وبجديه اكثر / ريناد احكي لي .. صديقيني راتح ترتاحي .. ولا تخافي من شي ..
غرقت عيون ريناد / ابغااا مااماااا ..
قربت منها ندى ولمتهااا بحناان ومسحت على شعرهاا وطبطبت على ظهرهاا .. / ريناد .. احكي لي .. انا اختك ..
بعد ماهدت وارتاحت من وجود اختها قريبه منهااا
حكت لها كل شي .. وكأنه هم وانزاح من على قلبهااا ,,
ندى / طيب ليه هي اسلوبها كذا وتكرهك بهالشكل العدواني ؟؟
ريناد / كل اللي اعرفه انه هذا طبعها من وهي صغيرة كل شي تبغاه لها كانت انانيه بشكل ماتتصوريه ..بس ماما الله يرحمها وخالتي وزوجها كانوا يميلوا لي اكثر .بحجة ان باباماكان يجي الا بالشهر مرة او مرتين فكانوا يعوضوني حنانه .. وهالشي انقلب ضدي ..كل يوم يزيد كرهها لي .. ولما كبرت عرفت عن طلعاتهااا وعن تصرفاتها بالجامعه اللي كل سنه تحمل مواد ...المهم هي كانت تحاول تطلعني مع شلتها الفاسدة لكني اعرف تصرفاتها ماكنت اقبل واطلع معهاا ..وعلشان كذا حبت تشوه كل حاجة فيني .تخيلي حتى رقم جوالي كانت توزعه .. يعني انزعجت كثير ببيتهم .. .
ندى / وحسام .. هذي اول وآخر مرة يقرب منك .
ريناد / ايووا ..اكرههااااا واكره حساااام ...اخااف منه .. اخاف من نبرة صوته . وريحته ...تخيلي انا كنت بس اتحجب منه لكن بعد حركته القذرة غطيت وجهي ومااطلع من غرفتي الا ليمن يكون ماهو موجود .. ..
ندى / الحمد لله ان الموضوع عدى على خير .. وماقرب منك ثانيه ..
ريناد / الحمد للهـ على كل حال ..
ندى بآبتسامه .. / يلااا عاد افرديهااا بكرا ملكتي ياحلوووة ..
ريناد ابتسمت ..
ندى بعفويه / ايوا كذا ياالبيبي انتي ..
ريناد ضحكت من ورى قلبها / هههههههه
ندى / امممم بنام معك اليوم ماودي اتركك وانتي كذا
ريناد / يكون احسن .. << ناظرت صورة امها اللي عالكومدينه /عالأقل احس انه في حد قريب مني .. ..
ندى ابتسمت / يلااا ابعدي شووي خليني انسدح .. يلااا طفي النور ..
ريناد / لااااااااا اخاف من العتمه .. بشغل لك نور خاافت اووكي .
ندى / هههههههههههه اوووكي ..

:::::::::::::::::::::::::::::::

شوق ورنيم سهرااانين عالتلفزيون ..
جالسين ويتسلوا بالمكسرات والليز وشوكولاته باتشي ...
شوق وبيدها قطعه شوكولاته / اووه شكلنا حنا راح نسمن ,,
رنيم / ههههههههههه انتي تقولي كذا انا مهما آكل ماايبان فيني ..
شوق / مع وجهك مبسووطه .. خلااص بس شيليه عني مااتحمل شكلهم يغرري ..
اخذتهم رنيم وحطتهم بجنبهااا / وياويلك من مديتي يدك ..
شوق / على فكرة جهزوا فساتينا بكرا لازم نمر ناخذهم ..
رنيم / لااا مااقدر بكراا ملكة ندووش وانتي بعد اكيد راح تروحي .. معي تراها عازمتك واللهـ ..
شوق / أي صح ابغا اشووفهم .. عارفه اكثر شي محمسني اني اشوف ريهام ..
رنيم / وش معنى يعني ؟؟
شوق / بس مو تقولي هذي اللي دمها عسل وعفويه كثير و....
رنيم ردت بضحك / ههههههه يالهبله هذي ندى .. ريهام عااالم ثاااني ...
شوق بأبتسامه / اهااااااا يعني اللي بكرا ملكتهااااا
رنيم / ايوااااا
شوق / وناسه هالشهر في طلعاات كثيرة .. وغير كذا زواج هشام ..
رنيم / الا بقولك ترى ولد عمي عصام بكرا بيوصل من امريكااا ..
شوق ارتبكت من اسمعت اسمه ونبض قلبهاا بسررعه / جد !! ((وش فيه هالقلب ؟؟ ))
رنيم / ايوااا حكت لي لميس وتقول بكرا لازم تجوااا عالعشااا ..
شوق ردت بهدووء / تتوقعي تزوج من هناك ؟
رنيم / ههههههه ليه تقولي كذااا .. بس مااتوقع كان سمعنااا ..

::::::::::::::::::::::

الساعة 9 صباحاااا
بو عبدالله في الشركه .. وفي مكتبه .. ماسك الجوال ويكلم .
بوعبدالله / مايصير خاطرك الا طيب ..
بو وليد / اوكي عيل على اتفاقنا ..
بوعبدالله / ان شاء الله ..
بو وليد / انا راجع بعد كم يوم .. وان شاء الله بعد هالشي ترجع الأمور مثل اول واحسن ...والشركه بتظل بأسمك .ومابي منك شي . بعد شتبي ؟
بو عبدالله وكأن الدنيا تدور فيه ((خلااص مثل ماتحب بس فكني من هالشي )) / ولا يهمك انا راح اضبط الموضوع !!!




:::::::::::::::::::::::::..

وان شاء الله يعجبكم هالبااااااااارت ...

نهاية البااااااااااارت العااااااااشر

ترآ مآخلصصت يآآويييل الي يررد

مشكووووووووووووووووووووووووووووووووووووووووووووووووووووووووووووره حووووووبي

يسلمووووووووووووووووووووووووووووووووووووووووووووووووووووو